നീലേശ്വരം: ബലൂണില്‍ കുഞ്ഞു കൈകള്‍ തീര്‍ത്തതു വിസ്മയങ്ങള്‍. നീലേശ്വരം മാജിക് അക്കാദമി ആന്‍ഡ് ആര്‍ട് ഗാലറിയുടെ നേതൃത്വത്തില്‍ നടന്ന ബലൂണ്‍ ഡിസൈന്‍ പരിശീലനത്തിലാണു കുട്ടികള്‍ വിവിധ രൂപങ്ങള്‍ നിര്‍മിച്ചത്.
പൂക്കള്‍, താറാവ്, കിരീടവും വാളും, വിവിധതരം പക്ഷി മൃഗാദികള്‍ തുടങ്ങിയ രൂപങ്ങള്‍ കുരുന്നുകൈകളാല്‍ വിരിഞ്ഞു. ജില്ലയുടെ വിവിധ ഭാഗങ്ങളിലുള്ള കുട്ടികള്‍ പരിശീലനത്തില്‍ പങ്കെടുത്തു.
രാജേഷ്ചന്ദ്ര മാഹിയാണു പരിശീലകന്‍. മജിഷ്യന്‍ ബാലന്‍ നീലേശ്വരം, ഏറംപുറം മുഹമ്മദ് എന്നിവര്‍ നേതൃത്വം നല്‍കി.