തിരുവനന്തപുരം: കണ്ണൂര്‍ സെന്‍ട്രല്‍ ജയിലിലെ എട്ടു ജീവപര്യന്തം തടവുകാര്‍ക്ക് വ്യവസ്ഥകള്‍ക്കു വിധേയമായി അകാല വിടുതല്‍ നല്‍കാന്‍ സര്‍ക്കാര്‍ ഗവര്‍ണറോട് ശുപാര്‍ശ ചെയ്യും. കണ്ണൂര്‍ സെന്‍ട്രല്‍ ജയില്‍ ഉപദേശക സമിതിയുടെ ശുപാര്‍ശ പരിഗണിച്ചാണ് ഇന്നലെ ചേര്‍ന്ന മന്ത്രിസഭായോഗം ഈ തീരുമാനമെടുത്തത്.
അഗസ്റ്റിന്‍, അനില്‍കുമാര്‍, സെന്തില്‍ കുമാര്‍, ബാബു എന്ന ബഷീര്‍, മുഹമ്മദ് കോയ, വേണുഗോപാലന്‍, മൂസ, കറുപ്പച്ചന്‍ എന്നിവരെ വിട്ടയയ്ക്കാനാണ് ശുപാര്‍ശ. സംസ്ഥാന രൂപീകരണത്തിന്റെ അറുപതാം വാര്‍ഷികത്തോട് അനുബന്ധിച്ച് 1,860 തടവുകാര്‍ക്ക് പ്രത്യേക ശിക്ഷാ ഇളവ് അനുവദിക്കാന്‍ ഗവര്‍ണറോട് ശുപാര്‍ശ ചെയ്യാനും മന്ത്രിസഭ തീരുമാനിച്ചു.