കൊല്ലം: എക്‌സൈസ് സര്‍ക്കിള്‍, ഇന്റലിജന്‍സ് എന്നിവ സംയുക്തമായി നടത്തിയ റെയ്ഡില്‍ ആശ്രാമത്തു നിന്ന് അഞ്ച് കിലോ കഞ്ചാവുമായി മൊത്തവിതരണക്കാരന്‍ അറസ്റ്റില്‍.
ഒഡിഷ സ്വദേശി മാനുവല്‍ മാജിയാണ് ആശ്രാമം വ്യവസായ കേന്ദ്രത്തിന് മുന്‍വശത്തുനിന്നും എക്‌സൈസ് പിടിയിലായത്. വര്‍ഷങ്ങളായി ഹോട്ടല്‍ മേഖലയില്‍ ജോലി ചെയ്തിരുന്ന ഇയാള്‍ ജില്ലയിലെ വിവിധ മേഖലകള്‍ കേന്ദ്രികരിച്ച് മറ്റു ഇതരസംസ്ഥാനക്കാരെ കൂട്ടുപിടിച്ചാണ് വിതരണം നടത്തുന്നത്.
അഞ്ച് കിലോയുടെയു പത്ത് കിലോയുടെയും വലിയ പായ്ക്കറ്റുകളിലാക്കിയാണ് ഇയാള്‍ വിതരണം ചെയ്തിരുന്നത്. വിപണിയില്‍ അഞ്ച് ലക്ഷം രൂപ വിലവരുന്ന കഞ്ചാവാണ് പിടിച്ചെടുത്തതെന്ന് അധികൃതര്‍ വൃക്തമാക്കി. മറ്റ് സംഘാഗംങ്ങളെകുറിച്ചും അന്വേഷണമാരംഭിച്ചിട്ടുണ്ട്്. എക്‌സൈസ് ഡെപ്യൂട്ടി കമ്മിഷ്ണര്‍ കെ. സുരേഷ്ബാബുവിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു അറസ്റ്റ്.
റെയ്ഡില്‍ സര്‍ക്കിള്‍ ഇന്‍സ്‌പെക്ടര്‍ വി. രാജേഷ്, ഇന്‍സ്‌പെക്ടര്‍മാരായ ജെ.പി ആന്‍ഡ്രൂസ്, വിജയന്‍, അനില്‍കുമാര്‍, ബാലചന്ദ്രകുമാര്‍ നേതൃത്വം നല്‍കി.