കൊടുവള്ളി: എസ്.കെ.എസ്.എസ്.എഫിന്റെ സജീവപ്രവര്‍ത്തകനും തിരൂര്‍ ദാറുല്‍ സലാം അറബിക് കോളജ് വാഫി കോഴ്‌സ് വിദ്യാര്‍ഥിയുമായിരുന്ന താമരശ്ശേരി ഓടക്കുന്ന് തനിയിലത്ത് അജ്മല്‍ നബീലിന്റെ (17) വിയോഗം നാടിനെ കണ്ണീരിലാഴ്ത്തി.
ദേശീയപാതയില്‍ വാവാട് ഇരുമോത്ത് ഇന്നലെ വൈകിട്ട് 6.30 ഓടെ ബൈക്കില്‍ വാനിടിച്ചുണ്ടണ്ടായ അപകടത്തിലാണ് ബൈക്ക് യാത്രികനായിരുന്ന അജ്മല്‍ നബീല്‍ മരിച്ചത്്. ഓടക്കുന്നിലെ വീട്ടിലേക്ക് പോകുന്നതിനിടെയായിരുന്നു അപകടം.
എസ്.കെ.എസ്.എസ്.എഫ് വട്ടക്കുണ്ടണ്ട് ശാഖാ വൈസ് പ്രസിഡന്റും സമസ്തയുടെ സജീവ പ്രവര്‍ത്തകനുമായ നബീല്‍ മികച്ച അനൗണ്‍സറും ഓടക്കുന്ന് സോഷ്യല്‍ സര്‍വിസ് സൊസൈറ്റി സ്റ്റുഡന്‍സ് വിങ് ഭാരവാഹിയുമാണ്. ചെമ്പ്ര മഹല്ല് കമ്മിറ്റിയുടെ ആഭിമുഖ്യത്തില്‍ നബിദിനത്തോടനുബന്ധിച്ചു നടന്ന പരിപാടിയിലും കഴിഞ്ഞ ദിവസം നടന്ന ഓടക്കുന്ന് സോഷ്യല്‍ സര്‍വിസ് സൊസൈറ്റിയുടെ നബിദിന പരിപാടിയിലും സജീവ സാന്നിധ്യമായിരുന്നു. സുപ്രഭാതം പത്രം ഏജന്റായ തനിയലത്ത് അബ്ദുല്‍ സലാമിന്റെ മകനായ അജ്മല്‍ നബീല്‍ ഒഴിവ് വേളകളില്‍ പത്ര വിതരണം ചെയ്യാന്‍ പിതാവിനെ സഹായിക്കാറുണ്ടണ്ടായിരുന്നു. അജ്മല്‍ നബീലിന്റെ നിര്യാണത്തില്‍ ഓടക്കുന്ന് സോഷ്യല്‍ സര്‍വിസ് സൊസൈറ്റി അനുശോചിച്ചു.