ഇരിട്ടി:സമസ്ത ഇരിട്ടി മേഖല കോര്‍ഡിനേഷന്‍ കമ്മിറ്റിയുടെ നേതൃത്വത്തില്‍ കാക്കയങ്ങാട് ടൗണില്‍ നബിദിന റാലിയും പൊതു സമ്മേളനവും നടത്തി. ഇരു റെയ്ഞ്ചുകളിലെയും 31 മഹല്ലുകളില്‍ നിന്നായി ആയിരകണക്കിനാളുകളാണ് റാലിയില്‍ പങ്കെടുത്തത്. വിവിധ മഹല്ലുകളിലെ മദ്‌റസാ വിദ്യാര്‍ഥികള്‍ അവതരിപ്പിച്ച ദഫ്, സ്‌കൗട്ട് മത്സരവും റാലിയോടനുബന്ധിച്ച് സംഘടിപ്പിച്ചിരുന്നു. മര്‍ഹും കുമരം പുത്തൂര്‍ ഉസ്താദ് നഗറില്‍ നടന്ന പൊതുസമ്മേളനം സമസ്ത ജില്ലാ സെക്രട്ടറി കെ.ടി അബ്ദുല്ല മൗലവി ഉദ്ഘാടനം ചെയ്തു. ടി.കെ ശരീഫ് ഹാജി അധ്യക്ഷനായി. ഇബ്രാഹിം മുണ്ടേരി, പി.എം അബ്ദുറഹ്മാന്‍ ഹാജി, എം.പി മുഹമ്മദ്, എം.കെ കുഞ്ഞാലി, പി.കെ കുട്ട്യാലി, വി.കെ കമാല്‍ഹാജി, സഈദ് ഫൈസി ഇര്‍ഫാനി, അഹ്മദ് കബീര്‍ ബാഖവി, ഹമീദ് ദാരിമി ഇരിട്ടി, കെ.എസ് അലി മൗലവി, ഒ അബ്ദുല്‍ ഖാദിര്‍, കെ മുഹമ്മദലി ഫൈസി, അബ്ദുല്‍ അസീസ് ഫൈസി, പി.പി സകരിയ അസ്അദി സംസാരിച്ചു. ശുഹൈബ് ഹൈതമി വാരാമ്പറ്റ മുഖ്യ പ്രഭാഷണം നടത്തി.