വാഷിങ്ടണ്‍: ശത്രുക്കള്‍ക്കും പുതുവത്സര ആശംസ നേര്‍ന്ന് ട്രംപ് രംഗത്ത്. ഹിലരിയെ ഉദ്ദേശിച്ചാണ് ട്രംപിന്റെ ട്വീറ്റ്. എന്റെ ശത്രുക്കള്‍ക്കും തനിക്കെതിരേ മത്സരിച്ച് ദയനീയമായി പരാജയപ്പെട്ട് എന്തുചെയ്യണമെന്ന് അറിയാത്തവര്‍ക്കും പുതുവത്സരാംശസകള്‍ എന്നായിരുന്നു ട്രംപിന്റെ ട്വീറ്റ്.
അവധി അഘോഷിക്കാന്‍ ഫ്‌ളോറിഡയിലെ തന്റെ പാം ബീച്ചിലെത്തിയതായിരുന്നു ട്രംപ്. കുടുംബത്തോടൊപ്പമാണ് ആഘോഷങ്ങള്‍.
ഈമാസം 20 ന് യു.എസിന്റെ 45ാമത് പ്രസിഡന്റായി ഡൊണാള്‍ഡ് ട്രംപ് ചുമതലയേല്‍ക്കും. തെരഞ്ഞെടുപ്പിന് പ്രൈമറികളില്‍ നിരവധി പേരെ ട്രംപ് തോല്‍പ്പിച്ചിരുന്നു. ഹിലരി ക്ലിന്റനാണ് പ്രസിഡന്റ് തെരഞ്ഞെടുപ്പില്‍ ട്രംപിനോട് തോറ്റത്.