കോഴിക്കോട്: പുതിയങ്ങാടി വരയ്ക്കല്‍ മഖാമില്‍ ശംസുല്‍ ഉലമാ ഇ.കെ അബൂബക്കര്‍ മുസ്‌ലിയാരുടെ 21-ാം ഉറൂസ് മുബാറക് ഇന്നലെ രാവിലെ നടന്ന ഖത്തം ദുആയോടെ സമാപിച്ചു. രാവിലെ ഒന്‍പതിന് നടന്ന സമാപന സമ്മേളനം സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ.കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു.
സമസ്ത വൈസ് പ്രസിഡന്റ് എം.ടി അബ്ദുല്ല മുസ്‌ലിയാര്‍ അധ്യക്ഷനായി. എ.വി അബ്ദുറഹ്മാന്‍ മുസ്‌ലിയാര്‍ ആമുഖപ്രഭാഷണവും പി.കെ.പി അബ്ദുസ്സലാം മുസ്‌ലിയാര്‍ മുഖ്യപ്രഭാഷണവും നടത്തി.
ചേലക്കാട് മുഹമ്മദ് മുസ്‌ലിയാര്‍, വില്ല്യാപ്പള്ളി ഇബ്‌റാഹിം മുസ്‌ലിയാര്‍, അഹ്മദ് മൗലവി മാണിയുര്‍, പി.എസ് ഹൈദ്രോസ് മുസ്‌ലിയാര്‍ ചെറുവാളൂര്‍, കെ.ടി ഹംസ മുസ്‌ലിയാര്‍ വയനാട്, ഇ.കെ അബൂബക്കര്‍ മുസ്‌ലിയാര്‍ മൊറയൂര്‍, കെ.ടി അബ്ദുല്‍ ജലീല്‍ ഫൈസി വെളിമുക്ക്, കെ അബ്ദുല്‍ ഗഫൂര്‍ ഹൈതമി നരിപ്പറ്റ, പിണങ്ങോട് അബൂബക്കര്‍, എസ്.കെ ഹംസ ഹാജി, കെ.പി.സി തങ്ങള്‍ വല്ലപ്പുഴ, എം.സി മായിന്‍ ഹാജി, എസ്.വി ഹസന്‍കോയ, പി.പി അബ്ദുല്‍ കരീം ദാരിമി പാറപ്പള്ളി, അബ്ദുറസാഖ് ദാരിമി അറക്കല്‍ സംബന്ധിച്ചു. സുലൈമാന്‍ ഫൈസി അനുസ്മരണ പ്രഭാഷണം നടത്തി.
ആയിരങ്ങള്‍ പങ്കെടുത്ത ഖത്തം ദുആക്ക് പ്രൊഫ.കെ ആലിക്കുട്ടി മുസ്‌ലിയാര്‍ നേതൃത്വം നല്‍കി. എം.പി തഖിയ്യുദ്ദീന്‍ ഹൈതമി സ്വാഗതവും സി.പി ഇക്ബാല്‍ നന്ദിയും പറഞ്ഞു.