പൂക്കോട്ടുംപാടം: വിളവെടുക്കാന്‍ പാകമായ നെല്‍കൃഷി പന്നികള്‍ ചവിട്ടി നശിപ്പിച്ചു. ചേലോട് പാടശേഖരത്തിലാണ് സംഭവം. രാത്രികാലങ്ങളില്‍ പാടശേഖരങ്ങളില്‍ ഇറങ്ങുന്ന പന്നിക്കൂട്ടങ്ങളാണ് നെല്‍കൃഷി നശിപ്പിക്കുന്നത്.
പാടത്തിനു സമീപത്തെ മുണ്ടക്കുളത്തില്‍നിന്നു പമ്പ്‌സെറ്റ് ഉപയോഗിച്ചാണ് കൃഷിക്കു വെള്ളമെത്തിക്കുന്നത്. കഴിഞ്ഞ ദിവസം രാത്രിയിറങ്ങിയ പന്നിക്കൂട്ടം പോറ്റയില്‍ സുബ്രഹ്മണ്യന്‍, കളരിക്കല്‍ നാരായണന്‍ നായര്‍, നറുക്കില്‍ കുഞ്ഞന്‍, മണി പറമ്പന്‍ വനജ എന്നിവരുടെ കൃഷിയാണ് നശിപ്പിച്ചത്.