HOME
DETAILS

സി.പി.എം കൊടിമരത്തില്‍ ലീഗ് പതാക നാട്ടി

  
backup
January 06 2017 | 04:01 AM

%e0%b4%b8%e0%b4%bf-%e0%b4%aa%e0%b4%bf-%e0%b4%8e%e0%b4%82-%e0%b4%95%e0%b5%8a%e0%b4%9f%e0%b4%bf%e0%b4%ae%e0%b4%b0%e0%b4%a4%e0%b5%8d%e0%b4%a4%e0%b4%bf%e0%b4%b2%e0%b5%8d%e2%80%8d-%e0%b4%b2%e0%b5%80

വാണിമേല്‍: സി.പി.എം കൊടിമരത്തില്‍ പച്ച ചായം തേച്ച് മുസ്്‌ലിം ലീഗ് പതാക നാട്ടി. വാണിമേല്‍ ഭൂമിവാതുക്കലിലാണ് സംഭവം. സി.പി.എം രക്ത സാക്ഷി കെ.പി കുഞ്ഞിരാമന്റെ സ്മരണാര്‍ത്ഥം സ്ഥാപിക്കപ്പെട്ട കൊടിമരം നാല് പതിറ്റാണ്ടിലേറെക്കാലമായി നിലനില്‍ക്കുന്നതാണ്. തൊള്ളായിരത്തി എഴുപത്തിമൂന്നില്‍ നാദാപുരം മേഖലയില്‍ കോളിളക്കം സൃഷ്ട്ടിച്ച കൊലപാതകമായിരുന്നു കുഞ്ഞിരാമന്റേത്.
നാദാപുരം മേഖലയിലെ കര്‍ഷക മുന്നേറ്റത്തിന്റെ പ്രതീകമായാണ് കുഞ്ഞിരാമന്റെ രക്ത സാക്ഷിത്വത്തെ സി.പി.എം കാണുന്നത്. അത് കൊണ്ട് തന്നെ വളരെ വിപുലമായ തോതില്‍ സി.പി.എം ഈ രക്തസാക്ഷി ദിനം ആചരിക്കാറുണ്ട്. കോടി മരത്തിനു നേരെ ഇതിനു മുന്‍പും അക്രമം ഉണ്ടായിട്ടുണ്ട്. അക്രമസംഭവം അറിഞ്ഞ ഉടനെ സി.പി.എം പ്രവര്‍ത്തകര്‍ ഭൂമിവാതുക്കലിലെത്തി റോഡ് ഉപരോധം നടത്തി. ഈ അടുത്താണ് വാണിമേലില്‍ ആറോളം വീടുകള്‍ക്ക് നേരെ ബോംബേറുണ്ടായത്.
പ്രത്യേകിച്ച് രാഷ്ട്രീയ സംഘര്‍ഷമൊന്നുമില്ലാത്ത സമയത്ത് ലീഗ് സി.പി.എം നേതാക്കളുടേതടക്കം വീടിനു നേരെ നടന്ന ബോംബാക്രമണത്തിനു പിന്നില്‍ നാട്ടില്‍ സംഘര്‍ഷം സൃഷ്ടിക്കാന്‍ ശ്രമിക്കുന്ന തല്‍പര കക്ഷികളാണെന്നായിരുന്നു വിലയിരുത്തല്‍ അത് കൊണ്ട് തന്നെ ലീഗ്-സി.പി.എം നേതാക്കള്‍ ചേര്‍ന്ന് രൂപീകരിച്ച സര്‍വകക്ഷി ജാഗ്രതാ സമിതി രാത്രി കാലങ്ങളില്‍ കാവലിരിക്കുകയായിരുന്നു. ബോംബാക്രമണത്തെ കുറിച്ചുള്ള അന്വേഷണം നടന്നു കൊണ്ടിരിക്കെയാണ് പുതിയ സംഭവം. നശിപ്പിക്കപ്പെട്ട കൊടിമരം സര്‍വ കക്ഷി നേതൃത്വത്തില്‍ പുനഃസ്ഥാപിച്ചു. മുസ്‌ലിം ലീഗ് നേതാക്കളടക്കമുള്ളവരുടെ സാന്നിധ്യത്തില്‍ സി.പി.എം ജില്ലാ സെക്രട്ടറി പി മോഹനന്‍ മാസ്റ്റര്‍ പതാക ഉയര്‍ത്തി.
തുടര്‍ന്ന് ഭൂമിവാതുക്കലില്‍ ചേര്‍ന്ന സര്‍വകക്ഷി സമാധാന പൊതുയോഗം ഇ. കെ വിജയന്‍ എം.എല്‍. എ ഉദ്ഘാടനം ചെയ്തു. ജില്ലാ പഞ്ചായത്ത് അംഗം അഹ്മദ് പുന്നക്കല്‍, ഒ.സി ജയന്‍, സി.വി എം വാണിമേല്‍, സി.കെ സുബൈര്‍, എന്‍.കെ മൂസ്സമാസ്റ്റര്‍, പി.പി ചാത്തു, അഷ്‌റഫ് കൊറ്റല , ടി.പി കുമാരന്‍, ടി പ്രദീപ്കുമാര്‍ പ്രസംഗിച്ചു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."