കൊല്ലം: പത്ര ഭാഷയ്ക്ക് ഏകീകൃത ശൈലി ഉണ്ടാകുന്നതിന് മീഡിയ അക്കാദമി രണ്ട് ശില്‍പശാലകള്‍ സംഘടിപ്പിക്കുമെന്ന് അക്കാദമി ചെയര്‍മാന്‍ ആര്‍.എസ് ബാബു അറിയിച്ചു. ഭാഷാവിദഗ്ധരുടെയും മുതിര്‍ന്ന പത്രപ്രവര്‍ത്തകരുടെയും സഹായം ഇക്കാര്യത്തില്‍ തേടും. കോഴിക്കോടും, തിരുവനന്തപുരത്തുമാണ് ശില്‍പശാലകള്‍ സംഘടിപ്പിക്കുന്നത്. പത്രപ്രവര്‍ത്തന ചരിത്രം പൂര്‍ണമായി പ്രതിഫലിക്കുന്ന ഒരു മ്യൂസിയം തിരുവനന്തപുരത്ത് സ്ഥാപിക്കാന്‍ ഗവണ്‍മെന്റ് തലത്തില്‍ ആലോചനയുണ്ട്. കലാസംഘടനയായ കളേഴ്‌സ് നല്‍കിയ സ്വീകരണ യോഗത്തില്‍ സംസാരിക്കുകയായിരുന്നു അദ്ദേഹം.
കളേഴ്‌സ് പ്രസിഡന്റ് എസ് സുധീശന്‍ അധ്യക്ഷനായി. കെ.പി.സി.സി സെക്രട്ടറി എ ഷാനവാസ്ഖാന്‍ ബാബുവിനെ ഷാള്‍ അണിയിച്ചു. സെക്രട്ടറി ആര്‍ സജീവ്, വൈസ് പ്രസിഡന്റ് കെ ചന്ദ്രന്‍ സംസാരിച്ചു. പുത്തൂര്‍ ആയൂര്‍വേദ മെഡിക്കല്‍ കോളജ് ഡയറക്ടര്‍ ബോര്‍ഡിലേക്ക് തെരഞ്ഞെടുക്കപ്പെട്ട കളേഴ്‌സ് അംഗങ്ങളായ ഡോ. എന്‍. പങ്കജാക്ഷന്‍, എന്‍. ബാബുഷ, ഡോ. ചന്ദ്രമൗലീശ്വരന്‍, പി. സുധാകരന്‍ എന്നിവരെ ചടങ്ങില്‍ അനുമോദിച്ചു.