മാനന്തവാടി:  വയനാട്ടില്‍ ആദിവാസി വിഭാഗങ്ങളായ അടിയ, പണിയ, കാട്ടുനായ്ക്ക, ഊരാളി കുടുംബങ്ങളില്‍ നിന്ന് ഇത്തവണ എല്‍.ഡി.സി പരീക്ഷയ്ക്ക് രജിസ്റ്റര്‍ ചെയ്തത് 350 പേര്‍.
   ജില്ലയുടെ ചരിത്രത്തില്‍ തന്നെ ആദ്യമായിട്ടാണ് ഇത്രയധികം ആദിവാസി ഉദ്യോഗാര്‍ഥികള്‍ പി.എസ്.സി പരീക്ഷക്ക് രജിസ്റ്റര്‍ ചെയ്യുന്നത്.
വിവിധ സന്നദ്ധ സംഘടനാ പ്രവര്‍ത്തകര്‍ കോളനികളില്‍ നേരിട്ട് ചെന്ന് ഉദ്യോഗാര്‍ഥികളെ കണ്ടെത്തി നടത്തിയ ശ്രമഫലമായാണ് ഇത്രയുംപേര്‍ രജിസ്റ്റര്‍ ചെയ്തത്.
    പദ്ധതി പൂര്‍ണ ഫലപ്രാപ്തിയില്‍ എത്തണമെങ്കില്‍ ഇവര്‍ക്ക് മതിയായ പരിശീലനം നല്‍കണം.
ഇതിനായി സര്‍ക്കാരിന് റിപ്പോര്‍ട്ട് സമര്‍പ്പിക്കാനുള്ള തയാറെടുപ്പിലാണ് ഉദ്യോഗസ്ഥര്‍.