പാലക്കാട്: ബാലഗോകുലം വാര്‍ഷികാഘോഷത്തിന്റെ ഭാഗമായി ബാലഭാരതം 2016 നേതൃസംഗമം സംഘടിപ്പിക്കും. 2500 ഗ്രാമങ്ങളില്‍ നിന്ന് തിരഞ്ഞെടുക്കപ്പെട്ട 5000 കുട്ടികളുടെ അഭിരുചി വികസന ശിബിരമാണ് ബാലഭാരതം. പ്രകൃതി, സംസ്‌കൃതി, രാഷ്ട്രം എന്നീ ആശയങ്ങളില്‍ ഊന്നിക്കൊണ്ടുള്ള പഠന പ്രവര്‍ത്തനങ്ങളും പ്രദര്‍ശനങ്ങളും രണ്ടു ദിവസത്തെ പരിപാടിയില്‍ ക്രമീകരിച്ചിരിക്കുന്നത്. 28, 29 തിയ്യതികളില്‍ അങ്കമാലി ആദിശങ്കരപുരിയിലാണ് ബാലഭാരതം അരങ്ങേറുന്നതെന്ന് ബാലഗോകുലം ജില്ലാ ഓര്‍ഡിനേറ്റര്‍മ്മാരായ എസ് മമത, എം അഞ്ജലി, വി.എ ലിജീഷ്, വി.പി ഐശ്വര്യ എന്നിവര്‍ അറിയിച്ചു.