വില്‍പ്പനയുടെ ശൈലി പോലെയുണ്ടാവും ഒരാളുടെ കച്ചവടത്തിന്റെ നിലവാരം. പ്രത്യേകിച്ച് തെരുവ് കച്ചവടമാകുമ്പോള്‍ പറയേണ്ടല്ലോ. നാക്കിന് കരുത്തുണ്ടെങ്കില്‍, ഐഡിയയുണ്ടെങ്കില്‍ എളുപ്പം സാധനം വിറ്റഴിക്കാം.

ഇവിടെ ഒരാള്‍ ആപ്പിള്‍ വില്‍ക്കുകയാണ്. ഏറെ സ്വാദിഷ്ടമായ പച്ച ആപ്പിള്‍ നിമിഷനേരം കൊണ്ട് തൊലിയുരിഞ്ഞ്, വിരിഞ്ഞ കഷ്ണമാക്കി നല്‍കും. അതിനായി ചെറിയൊരു കൈ ഉപകരണവും വില്‍പ്പനക്കാരന്റെ അടുത്തുണ്ട്. അങ്ങനെ കച്ചവടം പൊടിപൊടിയാണ്.

കച്ചവടം തകൃതിയായി നടക്കുന്നത് കണ്ടൊരു വഴിപോക്കാന്‍ അത് മൊബൈല്‍ ഫോണില്‍ പകര്‍ത്തി യൂ ടൂബില്‍ പോസ്റ്റ് ചെയ്തിരിക്കുകയാണ്. യൂ ടൂബിലാണെങ്കില്‍ അതിലും മികച്ച പ്രതികരണം. ജനുവരി എട്ടിന് പോസ്റ്റ് ചെയ്ത വീഡിയോ ഇതിനകം കണ്ടത് എട്ടു ലക്ഷത്തോളം പേര്‍. അപ്പോള്‍ തകൃതിയായി നടക്കുന്നൊരു കച്ചവടത്തെ പിടിച്ച് മറ്റൊരാള്‍ യൂ ടൂബില്‍ നിന്നും പണം വാരുകയാണ്.