കരിവെള്ളൂര്‍: മുച്ചിലോട്ട് ഭഗവതി ക്ഷേത്രം പെരുങ്കളിയാട്ടത്തോടനുബന്ധിച്ച് നടന്ന സാംസ്‌കാരിക സായാഹ്‌നം നീലേശ്വരം ബ്ലോക്ക് പഞ്ചായത്ത് പ്രസിഡന്റ് വി.പി ജാനകി ഉദ്ഘാടനം ചെയ്തു. സംഘാടകസമിതി വര്‍ക്കിങ് ചെയര്‍മാന്‍ കെ നാരായണന്‍ അധ്യക്ഷനായി. സി.പി.എം പയ്യന്നൂര്‍ ഏരിയ കമ്മിറ്റി സെക്രട്ടറി, ടി.ഐ മധുസൂദനന്‍, വി.എന്‍ എരിപുരം, സി.പി.ഐ ജില്ലാ സെക്രട്ടറി, അഡ്വ. പി സന്തോഷ് കുമാര്‍, മുസ്‌ലിം ലീഗ് കാസര്‍കോട് ജില്ലാ കമ്മിറ്റി സെക്രട്ടറി എം.സി ഖമറുദ്ദീന്‍, കെ.കെ ജയപ്രകാശന്‍, കെ.പി ശശിധരന്‍ അഴീക്കോട്, കെ.വി കുഞ്ഞിരാമന്‍, യു രമേശന്‍ സംസാരിച്ചു. തുടര്‍ന്ന് ചലച്ചിത്ര നടി ലക്ഷ്മി ഗോപാല സ്വാമിയുടെ പഞ്ചരത്‌ന ഇന്ത്യന്‍ ക്ലാസികല്‍ നെറ്റ് അരങ്ങേറി. നാളെ രാത്രി ഏഴിന് കെ.എസ് ചിത്രയും സംഘവും അവതരിപ്പിക്കുന്ന സംഗീത നിശ അരങ്ങേറും.