കൊട്ടാരക്കര: കെ.എസ്.ആര്‍.ടി.സി ബസും കാറും കൂട്ടിയിടിച്ചുണ്ടായ അപകടത്തില്‍ ഇരുപതോളം പേര്‍ക്കു പരുക്ക്.
എം.സി റോഡില്‍ കുന്നക്കര പാലത്തിന് സമീപം കഴിഞ്ഞ ദിവസം രണ്ടരയോടെ ആയിരുന്നു അപകടം. തിരുവനന്തപുരത്ത് സത്യപ്രതിജ്ഞാ ചടങ്ങില്‍ പങ്കെടുക്കാനായി പോയവരാണ് കാറിലുണ്ടായിരുന്നത്. കാര്‍ കൊട്ടാരക്കരയില്‍ നിന്നും മൈലം വഴി പട്ടാഴിക്കു പോകുകയായിരുന്ന കെ.എസ്.ആര്‍.ടി.സി ബസുമായി ഇടിക്കുകയായിരുന്നു.
കാര്‍ യാത്രികരായ പത്തനംതിട്ട നഗരസഭാ കൗണ്‍സിലര്‍ ഹരീഷ്(35), പത്തനംതിട്ട ഒറ്റപ്ലാമൂട്ടില്‍ വരുണ്‍(26), ഡ്രൈവര്‍ റാഫി(40), തോന്നിയമല കുഴിക്കാല മന്‍സിലില്‍ വിന്‍ഷാദ്(21), ജോണ്‍(35) എന്നിവര്‍ക്കും ബസ് ഡ്രൈവര്‍ കലയപുരം സുരേഷ് ഭവനില്‍ സുരേഷ്‌കുമാര്‍ (50), ബസ് യാത്രികരായ എബി ബേബി(30), അജിഷ(2), ദേവകി(79), വി.ആര്‍ അനൂപ്(29), അജിത്ത്(6) എന്നിവര്‍ക്കാണ് പരുക്കേറ്റത്. റാഫിയെ വെഞ്ഞാറുമൂടുള്ള സ്വകാര്യ ആശുപത്രിയിലും കാറിലുണ്ടായിരുന്ന മറ്റുള്ളവരെ തിരുവനന്തപുരത്തെ സ്വകാര്യ മെഡിക്കല്‍ കോളജിലും ബസിലുണ്ടായിരുന്നവരില്‍ ചിലരെ കൊട്ടാരക്കര സ്വകാര്യ ആശുപത്രിയിലും മറ്റുള്ളവരെ ജില്ലാ ആശുപത്രിയിലും പ്രവേശിപ്പിച്ചു. അപകടത്തില്‍ കാര്‍ പൂര്‍ണമായി തകര്‍ന്നു.