നീലേശ്വരം: ഓള്‍ കേരള സ്‌കൂള്‍ ടീച്ചേഴ്‌സ് യൂനിയന്‍ ( എ.കെ.എസ്.ടി.യു ) ജില്ലാ സമ്മേളനം ഇന്നു തുടങ്ങും. വൈകീട്ട് നാലിനു നീലേശ്വരം ബസ് സ്റ്റാന്‍ഡ് പരിസരത്തു ചേരുന്ന പൊതുവിദ്യാഭ്യാസ സംരക്ഷണ സദസ് സി.പി.ഐ ദേശീയ കൗണ്‍സില്‍ അംഗം സി.എന്‍ ചന്ദ്രന്‍ ഉദ്ഘാടനം ചെയ്യും. സംഘാടക സമിതി ചെയര്‍മാന്‍ എം അസിനാര്‍ അധ്യക്ഷനാകും. എ.കെ.എസ്.ടി.യു സംസ്ഥാന വൈസ് പ്രസിഡന്റ് ടി പ്രകാശന്‍ മുഖ്യപ്രഭാഷണം നടത്തും. 'കേരളവും പൊതുവിദ്യാഭ്യാസവും' എന്ന വിഷയത്തില്‍ വത്സന്‍ പിലിക്കോട് പ്രഭാഷണം നടത്തും.
പ്രതിനിധി സമ്മേളനം നാളെ രാവിലെ 10നു രാജാസ് ഹയര്‍സെക്കന്‍ഡറി സ്‌കൂളിലെ ഇ.കെ നായര്‍ നഗറില്‍ നടക്കും. സി.പി.ഐ ജില്ലാ സെക്രട്ടറി ഗോവിന്ദന്‍ പള്ളിക്കാപ്പില്‍ ഉദ്ഘാടനം ചെയ്യും. എ.കെ.എസ്.ടി.യു സംസ്ഥാന ജനറല്‍ സെക്രട്ടറി എന്‍ ശ്രീകുമാര്‍ പങ്കെടുക്കും.
ഉച്ചയ്ക്കു 2.30നു നടക്കുന്ന യാത്രയയപ്പു സമ്മേളനം ജില്ലാ പഞ്ചായത്ത് അംഗം എം നാരായണന്‍ (മുന്‍ എം.എല്‍.എ)ഉദ്ഘാടനം ചെയ്യും.