ശ്രീകണ്ഠപുരം: പെരുവളത്ത്പറമ്പിലെ തട്ട്പറമ്പില്‍ ഇന്നലെ പിടിയിലായ യുവാവ് നിരവധി മോഷണകേസിലെ പ്രതിയെന്നു പൊലിസ്. കൂത്തുപറമ്പ് മെരുവമ്പായി സ്വദേശി വലിയകത്ത് ഷഫീറിനെയാ(23)ണ് ഇന്നലെ തട്ടുപറമ്പിലെ കുന്നത്ത് വീട്ടില്‍ മാങ്ങാടന്‍ ഇബ്രാഹിമിന്റെ വീട്ടില്‍ നിന്നു പിടികൂടിയത്. വീടിന്റെ രണ്ടാംനിലയുടെ നിര്‍മാണ പ്രവൃത്തി നടന്നുവരികയായിരുന്നു. പുറകുവശത്തെ മതില്‍ ചാടിക്കടന്ന് അകത്തുകയറിയ യുവാവിനെ മോഷണ ശ്രമത്തിനിടയില്‍ ഉറക്കമുണര്‍ന്ന വീട്ടുകാര്‍ പിടികൂടുകയായിരുന്നു. പൊലിസ് ചോദ്യം ചെയ്യലിലാണ് ഇയാള്‍ തലശേരി ചിറക്കിലില്‍ നിന്നു ബൈക്ക് മോഷ്ടിച്ചാണെത്തിയതെന്നു മനസിലായത്.