നന്തി: ജാമിഅ ദാറുസ്സലാം അല്‍ ഇസ്‌ലാമിയ്യയുടെ ഒരു വര്‍ഷം നീണ്ടുനിന്ന റൂബിജൂബിലി ആഘോഷങ്ങളുടെ സമാപനസമ്മേളനത്തിന് അന്തിമരൂപം നല്‍കി. ജനുവരി 21ന് രാവിലെ 10നു നടക്കുന്ന മാസാന്ത സ്വലാത്ത് മജ്‌ലിസില്‍ സിംസാറുല്‍ ഹഖ് ഹുദവി പ്രഭാഷണം നടത്തും. രാത്രി ഏഴിനു നടക്കുന്ന കോട്ടുമല ടി.എം ബാപ്പു മുസ്‌ലിയാര്‍ അനുസ്മരണവും ദാരിമീസ് സംഗമവും പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും.
ജാമിഅ ദാറുസ്സലാം പ്രിന്‍സിപ്പല്‍ മൂസക്കുട്ടി ഹസ്‌റത്ത് അധ്യക്ഷനാകും. എം.പി അബ്ദുസ്സമദ് സമദാനി മുഖ്യപ്രഭാഷണം നടത്തും. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജന. സെക്രട്ടറി എം.ടി അബ്ദുല്ല മുസ്‌ലിയാര്‍ അനുസ്മരണ പ്രഭാഷണം നടത്തും. സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍, എ.വി അബ്ദുറഹ്മാന്‍ മുസ്‌ലിയാര്‍, ഇ.കെ അബൂബക്കര്‍ മുസ്‌ലിയാര്‍, കെ.ടി അബ്ദുല്‍ ജലീല്‍ ഫൈസി, കെ അബ്ദുല്‍ ഗഫൂര്‍ ഹൈതമി, എം.പി തഖിയ്യുദ്ദീന്‍ ഹൈതമി, എം.ടി അബൂബക്കര്‍ ദാരിമി, ആസിഫ് ദാരിമി പുളിക്കല്‍  സംസാരിക്കും.
22,  23, 24 തിയതികളില്‍ രാത്രി ഏഴിനു നടക്കുന്ന വാര്‍ഷിക മതപ്രഭാഷണ പരമ്പരയില്‍ ശമീര്‍ ദാരിമി കൊല്ലം, ഫരീദ് റഹ്മാനി കാളികാവ്, അഹ്മദ് കബീര്‍ ബാഖവി കാഞ്ഞാര്‍ പ്രഭാഷണം നടത്തും. 22 മുതല്‍ 24 വരെ രാവിലെ എട്ട് മുതല്‍ വൈകിട്ട് ആറു വരെ ദാറുസ്സലാം കോഡിനേഷന്‍ സ്ഥാപനങ്ങളിലെ വിദ്യാര്‍ഥികളുടെ വാര്‍ഷിക കലാമേള 'തനാഫുസ്-17 ദാറുസ്സലാം ഇസ്‌ലാമിക് ടാലന്റ് ഷോ' അരങ്ങേറും. യോഗത്തില്‍ എം.പി തഖിയ്യുദ്ദീന്‍ ഹൈതമി അധ്യക്ഷനായി. എ.വി അബ്ദുറഹ്മാന്‍ മുസ്‌ലിയാര്‍ സ്വാഗതവും യഹ്‌യ കൊവ്വുമ്മല്‍ നന്ദിയും പറഞ്ഞു.