കല്ലമ്പലം: കടുവയില്‍ തങ്ങള്‍ ചാരിറ്റബിള്‍ ട്രസ്റ്റിനു കീഴിലുള്ള മദ്‌റസകളുടെ നേതൃത്വത്തില്‍ സംയുക്തമായി ഷെയ്ഖ് മുഹിയുദ്ദീന്‍ അബ്ദുല്‍ ഖാദര്‍ ജീലാനിയുടെ അനുസ്മരണ സമ്മേളനം നടത്തി. കടുവാപ്പള്ളി സെന്‍ട്രല്‍ മദ്രസാ ഹാളില്‍ നടന്ന സമ്മേളനം കെ.ടി.സി.ടി ചെയര്‍മാന്‍ പി.ജെ നഹാസ് ഉദ്ഘാടനം ചെയ്തു. മദ്രസാ സദര്‍ മുഅല്ലീം ഇബ്രാഹിംകുട്ടി ബാഖവി അധ്യക്ഷനായി. കടുവാപ്പള്ളി ചീഫ് ഇമാം സദഖത്തുള്ള മൗലവി അനുസ്മരണ പ്രഭാഷണം നടത്തി. എച്ച്.എല്‍ നസീം മന്നാനി, കടുവയില്‍ അബൂബക്കര്‍ മൗലവി എന്നിവര്‍ മുഖ്യപ്രഭാഷണം നടത്തി. അന്‍സാരി ബാഖവി, ഷഫീഖ് മൗലവി, റിയാസ് മൗലവി, നസറുള്ളാ മൗലവി, അബ്ദുല്‍ബാസിത് മന്നാനി, താജുദ്ദീന്‍ മന്നാനി, റിയാസ് ഇസ്സമി, അബ്ദുല്‍റഹീം മൗലവി എന്നിവര്‍ സംസാരിച്ചു. വിദ്യാര്‍ഥികള്‍ക്കായി അബ്ദുല്‍ഖാദര്‍ ജീലാനി പ്രബന്ധ മത്സരവും നടത്തിയിരുന്നു.