തൃക്കരിപ്പൂര്‍: തൃക്കരിപ്പൂര്‍ ചക്രപാണി ക്ഷേത്രത്തില്‍ പതിമുന്ന് നാള്‍ നീണ്ടുനില്‍ക്കുന്ന ദ്രവ്യാവര്‍ത്തി നവീകരണ കലശ ഉത്സവത്തിന് 28ന് തുടക്കമാകും.
ഇന്നലെ വൈകീട്ട് അഞ്ചിന് തങ്കയം ജംഗ്ഷനില്‍ നിങ്ങജവീരനും, വാദ്യമേളങ്ങളും, മുത്തുക്കുടകളുടെ അകമ്പടിയോടെ പുറപ്പെട്ട താഴികക്കുടം എഴുന്നള്ളിപ്പ് ക്ഷേത്ര സന്നിധിയില്‍ സമാപിച്ചു.
30,31 തിയ്യതികളില്‍ ക്ഷേത്രത്തിന് തെക്കും വടക്കുമായി സ്ഥിതി ചെയ്യുന്ന വിവിധ കഴകങ്ങള്‍, ക്ഷേത്രങ്ങള്‍, തറവാടുകള്‍ എന്നിവയുടെ നേതൃത്വത്തില്‍ തിരുമുല്‍ കാഴ്ച്ചയെത്തും. 30ന് തെക്കുഭാഗത്തുള്ള കാഴ്ച്ച വരവ് ഇളമ്പച്ചി തിരുവമ്പാടി ക്ഷേത്രത്തില്‍ നിന്നും, 31ന് വടക്കുഭാഗത്തുള്ള തിരുമുല്‍ കാഴ്ച്ച കാളിശ്വരം ക്ഷേത്രത്തില്‍ നിന്നും പുറപ്പെടും.
28ന് നടക്കുന്ന സാംസ്‌കാരിക സമ്മേളനം പി കരുണാകരന്‍ എം.പി ഉദ്ഘാടനം ചെയ്യും. സുവനീര്‍ പ്രകാശനം, ആചാര സ്ഥാനിക സംഗമം, മതസൗഹാര്‍ദ സമ്മേളനം, ക്ഷേത്രകൂട്ടായ്മ എന്നിവ വിവിധ ദിവസങ്ങളി ല്‍ നടക്കും.