പട്ടാമ്പി: പെരുമുടിയൂര്‍ നെടുങ്ങനാട് മുത്തശ്ശ്യാര്‍കാവിലെ മകരചൊവ്വ ഉത്സവത്തിന്റെ ഭാഗമായി നടക്കുന്ന തിരുപുറത്ത് നിവേദ്യവും മാതൃവന്ദനവും ഈ മാസം 17 ന് നടക്കുമെന്ന് ക്ഷേത്ര ഭാരവാഹികള്‍ പത്രസമ്മേളനത്തില്‍ അറിയിച്ചു.
ക്ഷേത്രം തന്ത്രി അഴകത്ത് ശാസ്ത്ര ശര്‍മ്മന്‍ നമ്പൂതിരിപ്പാടിന്റെ സാന്നിധ്യത്തില്‍ ചെറുമുക്ക് ശ്രീകണ്ഠന്‍ വല്ലഭന്‍ സോമയാജിപ്പാട് നിവേദ്യത്തിന് തുടക്കം കുറിക്കും. തട്ടകത്തെ മുത്തശ്ശിമാരെ ആദരിക്കുന്ന മാതൃവന്ദനം രാവിലെ 10.30 ന് നടക്കും. സംഗീതജ്ഞ ഡോ. ഓമനകുട്ടി മുഖ്യാതിഥിയാകും. പിന്നണി ഗായിക മീരാ രാംമോഹന്റെ സംഗീത സുധ അരങ്ങേറ്റവും പ്രസാദ ഊട്ടും നടക്കുമെന്ന് ഭാരവാഹികളായ അഡ്വ. ശിവജി, മുരളി പെരുമുടിയൂര്‍, ഗോപാലകൃഷ്ണന്‍, ശിവപ്രകാശ്, അഡ്വ. മനോജ് പത്രസമ്മേളനത്തില്‍ പറഞ്ഞു.