മതിലകം: കൂളിമുട്ടം പൊക്ലായി ബദര്‍ മസ്ജിദിനോടനുബന്ധിച്ചു പ്രവര്‍ത്തിക്കുന്ന മദ്‌റസാ  കെട്ടിടത്തിന്റെ നവീകരണ പ്രവര്‍ത്തനങ്ങള്‍ക്ക് തുടക്കമായി.
സമസ്ത കേരള ജംഇയ്യത്തുല്‍ ഉലമ ഉപാധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ മദ്‌റസാ കെട്ടിടത്തിന്റെ ശിലാസ്ഥാപനം നിര്‍വഹിച്ചു. സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കി. എമ്മാട് മഹല്ല് ഖത്തീബ് ഷിഹാബുദ്ദീന്‍ റഹ്മാനി ചടങ്ങ് ഉദ്ഘാടനം ചെയ്തു.
 പ്രാണിയാട് മഹല്ല് പ്രസിഡന്റ് എസ്.കെ ഹാശിം കോയ തങ്ങള്‍ അധ്യക്ഷനായി.
മതിലകം ഗ്രാമപഞ്ചായത്ത് പ്രസിഡന്റ് ഇ.ജി സുരേന്ദ്രന്‍, ഷിഹാസ് പുത്തന്‍വീട്ടില്‍, സിദ്ദീഖ് കാട്ടുപറമ്പില്‍, പി.കെ ചന്ദ്രശേഖരന്‍, ലൈന അനില്‍, റിയാസ് മുഈനി, ഓമന സദാശിവന്‍, എന്‍.എം അബ്ദുല്‍ഖാദര്‍, കുഞ്ഞുമുഹമ്മദ് മുളംപറമ്പില്‍, മുഹമ്മദ് ഹാജി സംസാരിച്ചു.