വെങ്ങപ്പള്ളി: വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമി റംസാന്‍ കാംപയിനിന്റെ ഭാഗമായി നടത്തപ്പെടുന്ന കോയകുട്ടി ഉസ്താദ് അനുസ്മരണവും പ്രാര്‍ഥനാ സദസും ഇന്ന് വിവിധ മേഖലകളില്‍ നടക്കും. പനമരം മേഖല കൂളിവയല്‍ മദ്‌റസയിലും, വെള്ളമുണ്ട മേഖല വെസ്റ്റ് വെള്ളിലാടി മദ്‌റസയിലും, സുല്‍ത്താന്‍ ബത്തേരി മേഖല ദാറുല്‍ ഉലൂം മദ്‌റസയിലും, റിപ്പണ്‍ മേഖല റിപ്പണ്‍ മദ്‌റസയിലും, കല്‍പ്പറ്റ മേഖല സമസ്ത ഓഡിറ്റോറിയത്തിലുമായി വൈകുന്നേരം നാലു മണിക്കാണ് നടക്കുക. 

ഇബ്രാഹീം മാസ്റ്റര്‍ കൂളിവയല്‍, സി.കെ മജീദ് ദാരിമി, ശിഹാബുദ്ധീന്‍ തങ്ങള്‍ മമ്മുട്ടി മാസ്റ്റര്‍, യു.കെ നാസര്‍ മൗലവി, ഇബ്രാഹീം ഫൈസി പേരാല്‍, കെ.എ നാസര്‍ മൗലവി, എ.കെ സുലൈമാന്‍ മൗലവി, ശംസുദ്ധീന്‍ റഹ്മാനി, നൂറുദ്ധീന്‍ ഫൈസി, പുനത്തില്‍ ഗഫൂര്‍ ഹാജി, സൈനുല്‍ ആബിദ് ദാരിമി, ഖാസിം ദാരിമി, അബ്ബാസ് വാഫി, ഉസ്മാന്‍ കാഞ്ഞായി, പനന്തറ മുഹമ്മദ്, ശിഹാബുദ്ധീന്‍ വാഫി തുടങ്ങിയവര്‍ വിവിധ മേഖലകളില്‍ സംസാരിക്കും.