ഓച്ചിറ: ലഹരി വിരുദ്ധ സന്ദേശ പ്രചരണത്തിനായി കേരളാ യൂത്ത് പ്രമോഷന്‍ കൗണ്‍സില്‍ ഓച്ചിറ ആര്‍.വി.എസ്.എം ഹയര്‍സെക്കന്‍ഡറി സ്‌കൂളില്‍ സംഘടിപ്പിച്ച ഓപ്പണ്‍ കാന്‍വാസ് ശ്രദ്ധേയമായി. സംസ്ഥാന എക്‌സൈസ് കമ്മീഷണര്‍  ഋഷിരാജ്‌സിംഗ് ലഹരിവിരുദ്ധ സന്ദേശമെഴുതി പരിപാടി ഉദ്ഘാടനം ചെയ്തു. ലഹരിവിരുദ്ധ പ്രവര്‍ത്തനങ്ങള്‍ പൂര്‍ത്തിയാക്കാന്‍പൊതുജനങ്ങളുടെ കൂട്ടായ സഹകരണം അനിവാര്യമാണെന്നും അദ്ദേഹം പറഞ്ഞു. സമൂഹത്തിന്റെ വിവിധ തുറകളിലുള്ളവര്‍ ചിത്രം വരയ്ക്കുകയും സന്ദേശങ്ങള്‍ എഴുതുകയും ചെയ്തു. സുമന്‍ജിത്ത്മിഷ, യുവചിത്രകാരന്‍ ഷിയാസ് ഖാന്‍, കൗണ്‍സില്‍ ഭാരവാഹികളായ പ്രസൂണ്‍ ജി.എസ്, റ്റി.എസ്.മുരളീധരന്‍, ബെറ്റ്‌സണ്‍ വര്‍ഗ്ഗീസ്, ശിവപ്രസാദ് നേതൃത്വം നല്‍കി.