കൊച്ചി : നിരക്ക് വര്‍ധന ഉള്‍പ്പെടെയുള്ള വിവിധ ആവശ്യങ്ങള്‍ ഉന്നയിച്ച് സ്വകാര്യ ബസുകള്‍ സംസ്ഥാന വ്യാപകമായി 24ന് സൂചനാ പണിമുടക്ക് നടത്തും.

നിലവിലുള്ള സ്വകാര്യ ബസ് പെര്‍മിറ്റുകള്‍ നിലനിര്‍ത്തുക. വിദ്യാര്‍ഥികള്‍ക്കുള്ള കണ്‍സഷന്‍ നിരക്ക് വര്‍ധിപ്പിക്കുക. ബസ് ചാര്‍ജ് വര്‍ധിപ്പിക്കുക. വര്‍ധിപ്പിച്ച് റോഡ് ടാക്‌സ് പിന്‍വലിക്കുക തുടങ്ങിയ വിവിധ ആവശ്യങ്ങളുന്നയിച്ചാണ് സൂചനാ സമരം നടത്തുന്നതെന്ന് ഭാരവാഹികള്‍ അറിയിച്ചു.

ആവശ്യങ്ങള്‍ പരിഗണിച്ചില്ലെങ്കില്‍ അനിശ്ചിത കാല പണിമുടക്ക് ഉള്‍പ്പെടെയുള്ള സമര പരിപാടികള്‍ നടത്തുമെന്നും അവര്‍ പറഞ്ഞു.