ലണ്ടന്‍: വിജയത്തോടെ പുതുവര്‍ഷത്തെ വരവേല്‍ക്കാനുള്ള മാഞ്ചസ്റ്റര്‍ ടീമുകളുടെ ശ്രമം നടന്നില്ല. ഇംഗ്ലീഷ് പ്രീമിയര്‍ ലീഗ് പോരാട്ടത്തില്‍ മാഞ്ചസ്റ്റര്‍ സിറ്റിയെ ക്രിസ്റ്റല്‍ പാലസും മാഞ്ചസ്റ്റര്‍ യുനൈറ്റഡിനെ സതാംപ്ടനും ഗോള്‍രഹിത സമനിലയില്‍ തളച്ചു.
വിജയം നിഷേധിക്കപ്പെട്ട മാഞ്ചസ്റ്റര്‍ യുനൈറ്റഡ് പോയിന്റ് പട്ടികയില്‍ മൂന്നാം സ്ഥാനത്തേക്കിറങ്ങി. ഒരു പോയിന്റ് വ്യത്യാസത്തില്‍ ചെല്‍സി രണ്ടാം സ്ഥാനത്തേക്ക് കയറി.