നരിക്കുനി: സമസ്ത പ്രസിഡന്റായി തിരഞ്ഞെടുക്കപ്പെട്ട മടവൂര്‍ സി.എം മഖാം ജാമിഅ അശ്അരിയ്യ പ്രിന്‍സിപ്പില്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ക്ക് മടവൂര്‍ സി.എം മഖാം മഹല്ല് ജമാഅത്ത് കമ്മിറ്റി സ്വീകരണം നല്‍കി.
സമസ്ത പ്രസിഡന്റായി തിരഞ്ഞെടുക്കപ്പെട്ടത് ചരിത്രനിയോഗം മാത്രമാണെന്ന് തങ്ങള്‍ പറഞ്ഞു.
മഹല്ല് പ്രസിഡന്റ് മൂത്താട്ട് അബ്ദുറഹിമാന്‍ മാസ്റ്റര്‍ അധ്യക്ഷനായി. മഖാം സെക്രട്ടറി കെ.പി മാമു ഹാജി ഹാരാര്‍പ്പണം നടത്തി. അശ്അരീസ് അസോസിയേഷന്റെ സ്‌നേഹോപഹാരം പ്രസിഡന്റ് സയ്യിദ് ഹബീബ് അശ്അരി പട്ടിക്കാട് നല്‍കി. അബ്ദുല്‍ ബാരി ബാഖവി വാവാട്, മുസ്തഫ മാസ്റ്റര്‍ മുണ്ടുപാറ സംസാരിച്ചു. സി.എം മഖാം മഹല്ല് സെക്രട്ടറി കെ.എം മുഹമ്മദ് മാസ്റ്റര്‍ സ്വാഗതം പറഞ്ഞു. സമസ്ത മുശവറ അംഗം വാവാട് കുഞ്ഞിക്കോയ മുസ്‌ലിയാര്‍ മഖാം സിയാറത്തിനു നേതൃത്വം നല്‍കി.