കൊടുവള്ളി: പുതുവര്‍ഷത്തലേന്ന് പട്രോളിങ്ങിനിടെ പൊലിസുകാര്‍ക്ക് മര്‍ദനം.
രാത്രി 8.30ഓടെയാണ് എളേറ്റില്‍ വട്ടോളി അങ്ങാടിയില്‍ പട്രോളിങ് നടത്തുന്നതിനിടെ ബഹളംകേട്ട് അന്വേഷിക്കാനെത്തിയ പൊലിസുകാരെ ഒരുസംഘം തടയുകയും കൊടുവള്ളി ജൂനിയര്‍ എസ്.ഐ ഷറഫുദ്ദീനെ കോളറില്‍ പിടിച്ചു തള്ളുകയും മര്‍ദിക്കുകയും ചെയ്തത്.
പരുക്കേറ്റ എസ്.ഐയെ താമരശേരി താലൂക്ക് ആശുപത്രിയില്‍ പ്രവേശിപ്പിച്ചു. സംഭവവുമായി ബന്ധപ്പെട്ട് കിഴക്കോത്ത് വട്ടോളി പുതിയോട്ടില്‍ ബിജു (38), കായല്‍ മൂലക്കല്‍ രാജേഷ് (28) എന്നിവരെ പൊലിസ് പിടികൂടി. പിടിയിലായവരെ താമരശേരി ഫസ്റ്റ്ക്ലാസ് കോടതിയില്‍ ഹാജരാക്കി റിമാന്‍ഡ് ചെയ്തു.