കാഞ്ഞങ്ങാട്: ഓള്‍ കേരള ഡോക്യുമെന്റ് റൈറ്റേര്‍സ് ആന്‍ഡ് സ്‌ക്രൈബ്‌സ് അസോസിയേഷന്‍ ജില്ലാ സമ്മേളനം ഇന്ന് കാഞ്ഞങ്ങാട് മുനിസിപ്പല്‍ ടൗണ്‍ഹാളില്‍ നടക്കും. രാവിലെ ഒന്‍പതിന് നടക്കുന്ന പ്രകടനവും 10ന് നടക്കുന്ന പൊതുസമ്മേളനവും എം. രാജഗോപാലന്‍ എം.എല്‍.എ ഉദ്ഘാടനം ചെയ്യും. അസോസിയേഷന്‍ ജില്ലാ പ്രസിഡന്റ് സുനില്‍കുമാര്‍ കൊട്ടറ അധ്യക്ഷനാകും.
ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍, കാഞ്ഞങ്ങാട് നഗരസഭാ ചെയര്‍മാന്‍ വി.വി രമേശന്‍, അസോസിയേഷന്‍ സംസ്ഥാന പ്രസിഡന്റ് കെ.ജി ഇന്ദുകലാധരന്‍, മുന്‍ സംസ്ഥാന പ്രസിഡന്റ് ഒ.എം ദിനകരന്‍, സംസ്ഥാന ജനറല്‍ സെക്രട്ടറി കെ. രാജേന്ദ്രപിള്ള സംബന്ധിക്കും. ചടങ്ങില്‍ മുതിര്‍ന്ന ആധാരം എഴുത്തുകാരെ ആദരിക്കും.
ജില്ലാ പ്രസിഡന്റ് സുനില്‍ കുമാര്‍ കൊട്ടറ, പി.ആര്‍ കുഞ്ഞിരാമന്‍, പി.പി കുഞ്ഞികൃഷ്ണന്‍ നായര്‍, വി. ശങ്കരന്‍ നമ്പൂതിരി, വി. മാധവന്‍ നായര്‍ വാര്‍ത്താസമ്മേളനത്തില്‍ സംബന്ധിച്ചു.