കണ്ണൂര്‍: റമദാന് മുന്നോടിയായി ജില്ലാ ജംഇയ്യത്തുല്‍ മുഅല്ലിമീന്‍ റെയിഞ്ച് പ്രസിഡന്റ്, സെക്രട്ടറിമര്‍ ജില്ലാ കൗണ്‍സില്‍ അംഗങ്ങള്‍ പങ്കെടുക്കുന്ന പ്രീ റമദാന്‍ കോണ്‍ഫറന്‍സ് 30ന് രാവിലെ 11നു കണ്ണൂര്‍ ഇസ്‌ലാമിക് സെന്ററില്‍ നടക്കും.
മാണിയൂര്‍ അബ്ദുറഹിമാന്‍ ഫൈസിയുടെ അധ്യക്ഷതയില്‍ സമസ്ത ജനറല്‍ സെക്രട്ടറി പ്രൊഫസര്‍ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. മുഅല്ലിം ക്ഷേമനിധി സഹായ വിതരണം കെ.ടി അബ്ദുല്ല മൗലവിയും റെയിഞ്ച് അവാര്‍ഡ് ദാനം കെ.കെ.പി അബ്ദുല്ല ഫൈസിയും വിതരണം ചെയ്യും. തദ്‌രീബ് ടെക്‌സ്റ്റോണ്‍ ടെസ്റ്റ് ജില്ലാ റാങ്ക് ജേതാക്കള്‍ക്ക് കെ.പി.പി തങ്ങള്‍ ഉപഹാരം നല്‍കും. അബ്ദുസ്സമദ് മുട്ടം പദ്ധതി സമര്‍പ്പിക്കും.