ഗൂഡല്ലൂര്‍: ജല്ലിക്കെട്ട് നിരോധനത്തിന് ശാശ്വത പരിഹാരം കാണണമെന്നാവശ്യപ്പെട്ട് ഗൂഡല്ലൂര്‍ ഗാന്ധിമൈതാനിയില്‍ തുടര്‍ച്ചയായി സമരം നടത്തി വന്ന സമരക്കാരെ പൊലിസ് ബലംപ്രയോഗിച്ച് നീക്കി.
ഇന്നലെ രാവിലെയും തുടര്‍ സമരത്തിന് ശ്രമിച്ചവരെയാണ് ഗൂഡല്ലൂര്‍ ഡി.വൈ.എസ്.പി ശ്രീനിവാസലു, സി.ഐ ശക്തിവേലു, എസ്.ഐ റഹീം എന്നിവരുടെ നേതൃത്വത്തിലുള്ള സംഘം ഒഴിപ്പിച്ചത്. തുടര്‍ന്ന് ഗാന്ധിമൈതാനിയില്‍ പൊലിസ് സുരക്ഷ ഏര്‍പ്പെടുത്തിയിട്ടുണ്ട്. തുടക്കത്തില്‍ കോളജ് വിദ്യാര്‍ഥികളാണ് സമരവുമായി രംഗത്ത് എത്തിയിരുന്നത്.
പിന്നീട് പൊതുജനങ്ങളും അവരോടൊപ്പം കൂടുകയായിരുന്നു. പന്തല്ലൂരില്‍ ദേവാല സി.ഐ ജ്ഞാനരവിയുടെ നേതൃത്വത്തിലുള്ള പൊലിസ് സംഘം സമരക്കാരെ ബലംപ്രയോഗിച്ച് നീക്കി. കൂടാതെ ഊട്ടിയിലും കോത്തഗിരിയിലും കുന്നൂരിലും നടന്ന സമരക്കാരെയും പൊലിസ് ബലംപ്രയോഗിച്ച് നീക്കുകയായിരുന്നു.