കൊണ്ടോട്ടി: കരിപ്പൂര്‍ വിമാനത്താവള പരിസരത്ത് നിന്ന് ബൈക്ക് മോഷ്ടിച്ച കേസില്‍ രണ്ടു വിദ്യാര്‍ഥികള്‍ പിടിയിലായി.മോഷ്ടിച്ച ബൈക്കുമായി സഞ്ചരിക്കുന്നതിനിടെ ഒരാളെയും പൊലിസ് പരിശോധനയില്‍ മറ്റൊരാളേയുമാണ് കരിപ്പൂര്‍ പൊലിസ് പിടികൂടിയത്.പ്രദേശവാസികളായ പ്ലസ്ടു വിദ്യാര്‍ഥികളാണ് പിടിയിലാത്.
കരിപ്പൂര്‍ വിമാനത്താവളത്തിന് സമീപം നുഹ്മാന്‍ ജംഗ്ഷനില്‍ നിന്നാണ് ഒരാളെ ബൈക്ക് സഹിതം നാട്ടുകാര്‍ പിടികൂടി കരിപ്പൂര്‍ പൊലിസിന് കൈമാറിയത്.മോഷണം പോയ ബൈക്കിന്റെ ഉടമസ്ഥന്‍ തന്നെയാണ് ബൈക്ക് തിരിച്ചറിഞ്ഞത്. ബൈക്കിന്റെ പിറകില്‍ വ്യാജ നമ്പറായിരുന്നു ചേര്‍ത്തിരുന്നത്. ബൈക്ക് മോഷണവുമായി ബന്ധപ്പെട്ടുളള അന്വേഷണത്തിനിടെയാണ് വിദ്യാര്‍ഥിയെ പിടികൂടിയത്.വിമാനത്താവളത്തില്‍ നിന്ന് രണ്ട് ബൈക്കുകള്‍ മോഷണം പോയ സംഭവത്തില്‍ പൊലിസ് കേസെടുത്ത് അന്വേഷണം ആരംഭിച്ചിരുന്നു. ഇതിനിടയിലാണ് കുട്ടിക്കള്ളന്മാര്‍ പിടിയിലായത്.