പയ്യന്നൂര്‍: ബസ് യാത്രികയുടെ മാല പൊട്ടിച്ചതിന് തമിഴ്‌നാട് സ്വദേശിനിയെ പൊലിസ് അറസ്റ്റു ചെയ്തു. മാല പൊട്ടിച്ച് രക്ഷപ്പെടാന്‍ ശ്രമിക്കുന്നതിനിടെയാണ് മധുര സ്വദേശിനി മീനാക്ഷിയെ നാട്ടുകാര്‍ പിടികൂടി പൊലിസില്‍ ഏല്‍പ്പിച്ചത്. എടാട്ട് നിന്നും പയ്യന്നൂരിലെ വസ്ത്രവ്യാപാര സ്ഥാപനത്തിലേക്ക് ജോലിക്ക് വരികയായിരുന്ന പി.വി ഭാവക്കുട്ടിയുടെ സ്വര്‍ണമാലയാണ് സ്വകാര്യ ബസില്‍വച്ച് യുവതി പൊട്ടിച്ചെടുത്തത്. ഭാവക്കുട്ടി ബഹളം വച്ചപ്പോള്‍ യുവതി ബസില്‍ നിന്നും ഇറങ്ങിയോടുകയായിരുന്നു. മുന്‍പും ഇതേ യുവതിയേയും കൂട്ടാളിയേയും മാല പൊട്ടിച്ചതിന് പൊലിസ് അറസ്റ്റ് ചെയ്തിരുന്നു.