തിരൂരങ്ങാടി: മൂന്നിയൂര്‍ കളിയാട്ടമുക്ക് കളിയാട്ടമഹോല്‍സവത്തിന്റെ മുന്നോടിയായി ഇന്നലെ മമ്പുറം മഖാമിലും പൊയ്ക്കുതിര സംഘങ്ങള്‍ എത്തി. മഹോല്‍സവത്തിന്റെ പ്രധാന ചടങ്ങായ പകല്‍കളിയാട്ടം പന്ത്രണ്ടാമത്തെ ദിവസമായ വെള്ളിയാഴ്ച്ചയാണ് നടക്കാറുള്ളത്്. വിവിധ ദേശങ്ങളില്‍ നിന്നുള്ളവര്‍ കളിയാട്ടക്കാവിലേക്ക് പോവുന്നതിന് മുന്നോടിയായി മഖാമിലെത്തുന്ന രീതി വര്‍ഷങ്ങള്‍ പഴക്കമുള്ളതാണ്. മതസൗഹാര്‍ദ്ദത്തിന് പ്രസിദ്ധി നേടിയ കളിയാട്ടക്കാവ് ഉല്‍സവത്തിലേക്കുള്ള സംഘങ്ങള്‍ മഖാമിന് മുന്നില്‍ മമ്പുറം തങ്ങളുടെ നന്മകളെ പുകഴ്ത്തിപ്പാടി ദക്ഷിണയും നല്‍കിയാണ് മടങ്ങിയത്. തൃക്കുളം ദേശത്തിന്റെ പൊയ്ക്കുതിരസംഘം ഇത്തവണയും മമ്പുറം തങ്ങളുടെ സന്നിദ്ധിയിലെത്തി.