കോഴിക്കോട്: ധനകാര്യം കൈകാര്യം ചെയ്യുന്നതിലെ കെടുകാര്യസ്ഥതയും സര്‍ക്കാരിന്റെ ധൂര്‍ത്തും സംസ്ഥാനത്തെ കടുത്ത സാമ്പത്തിക പ്രതിസന്ധിയിലാക്കിയിരിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല. ജി.എസ്.ടിയുമായി ബന്ധപ്പെട്ട് ലോട്ടറി അടിച്ചെന്ന് പറഞ്ഞ തോമസ് ഐസക്ക് ഇപ്പോള്‍ ഭിക്ഷാപാത്രവുമായി നില്‍ക്കുകയാണ്. ജി.എസ്.ടിയെക്കുറിച്ച് പ്രതിപക്ഷം ഉന്നയിച്ച ആശങ്ക ശരിയാണെന്ന് വ്യക്തമായിരിക്കുകയാണെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു. ശബരിമല സ്ത്രീ പ്രവേശനവുമായി ബന്ധപ്പെട്ട ആചാരങ്ങള്‍ ഒറ്റയടിക്ക് മാറ്റുന്നത് ശരിയല്ല ഓരോ ക്ഷേത്രത്തിലും ഓരോ ആചാരവും മര്യാദയും പാരമ്പര്യവുമാണുള്ളത്. വിശ്വാസി സമൂഹം വര്‍ഷങ്ങളായി പിന്തുടരുന്നതാണ് ഇത്.
മൂന്നാര്‍ കൈയേറ്റവുമായി ബന്ധപ്പെട്ട ഫയല്‍ മുഖ്യമന്ത്രിയുടെ ഓഫിസില്‍ ഉറങ്ങുകയാണെന്നും അദ്ദേഹം ആരോപിച്ചു.