തലശ്ശേരി: കൊട്ടിയൂരില്‍ പ്രായപൂര്‍ത്തിയാകാത്ത പെണ്‍കുട്ടിയെ വൈദികന്‍ പീഡിപ്പിച്ച് ഗര്‍ഭിണിയാക്കിയ കേസ് ഈ മാസം 30ന് തലശ്ശേരി അഡീഷനല്‍ ജില്ലാ സെഷന്‍സ് - ഒന്ന് കോടതി പരിഗണിക്കും. കേസിലെ മുഴുന്‍ പ്രതികളും അന്ന് ഹാജരാകണമെന്ന് ആവശ്യപ്പെട്ട് കോടതി സമന്‍സയച്ചു
ഫാ.റോബിന്‍ വടക്കുംചേരി, കൊട്ടിയൂര്‍ നീണ്ടു നോക്കിയിലെ നെല്ലിയാനി തങ്കമ്മ, കൂത്തുപറമ്പ് തൊക്കിലങ്ങാടി ക്രസ്തുരാജ ആശുപത്രി അഡ്മിസ്‌ട്രേറ്റര്‍ സിസ്റ്റര്‍ ആന്‍സി മാത്യു, പീഡനത്തിനിരയായ കുട്ടിയുടെ പ്രസവമെടുത്ത ഗൈനക്കോളജിസ്റ്റ് സിസ്റ്റര്‍ ഡോ.ടെസ്സി ജോസ്, ഇതേ ആശുപത്രിയിലെ ശിശുരോഗ വിദഗ്ധന്‍ ഡോ.ഹൈദരാലി, സിസ്റ്റര്‍ ലിസ്മരിയ, സിസ്റ്റര്‍ അനീറ്റ, വൈത്തിരി ഹോളി ഇന്‍ഫന്റ് മേരി ബാലികാ മന്ദിരത്തിലെ സൂപ്രണ്ട് സിസ്റ്റര്‍ ഒഫീലിയ, വയനാട് ശിശുക്ഷേമ സമിതി മുന്‍ ചെയര്‍മാന്‍ ഫാ.തോമസ് തേരകം, ശിശുക്ഷേമ സമിതിയംഗം സിസ്റ്റര്‍ ബെറ്റി ജോസ് എന്നിവരാണ് കേസിലെ പ്രതികള്‍.
പ്രതിപ്പട്ടികയില്‍ നിന്നൊഴിവാക്കണമെന്നാവശ്യപ്പെട്ട് കേസിലെ ചില പ്രതികള്‍ നല്‍കിയ ഹരജി കോടതി നേരത്തെ തള്ളിയിരുന്നു. ഇതേ തുടര്‍ന്നാണ് കേസ് വിചരാണയ്ക്കായി മുഴുവന്‍ പ്രതികളോടും ഹാജരാകാന്‍ കോടതി ഉത്തരവിട്ടത.്
കൊട്ടിയൂര്‍ പള്ളിയിലെ വൈദികനായിരുന്ന ഫാ.റോബിന്‍ വടക്കുംചേരി പ്രായപൂര്‍ത്തിയാകാത്ത പെണ്‍കുട്ടിയെ ലൈഗികമായി പീഡിപ്പിച്ച് ഗര്‍ഭണിയാക്കുകയായിരുന്നു.
പീഡനത്തിനിരയായ കുട്ടി ഒരു പെണ്‍കുഞ്ഞിന് ജന്മം നല്‍കിയിരുന്നു. പെണ്‍കുട്ടി പ്രസവിച്ച കുഞ്ഞിന്റെ പിതാവ് ഫാ.റോബിന്‍ തന്നെയാണെന്ന് ഡി.എന്‍.എ ടെസ്റ്റിലും കണ്ടെത്തിയിരുന്നു.