ടോക്യോ:അമേരിക്കന്‍ പ്രസിഡന്റ് ബരാക് ഒബാമ ഇന്ന് ജപ്പാനിലെ ഹിരോഷിമ നഗരം സന്ദര്‍ശിക്കും. ഹിരോഷിമയില്‍ ആണവബോംബ് വര്‍ഷിച്ചതിനു ശേഷം യുദ്ധസ്മാരകത്തിലെത്തുന്ന ആദ്യ അമേരിക്കന്‍ പ്രസിഡന്റാവും ഒബാമ.

ജി7 ഉച്ചകോടിക്കായി ജപ്പാന്‍ തലസ്ഥാനമായ ടോക്യോവിലെത്തിയ ഒബാമ ഇന്ന് സമ്മേളനം സമാപിച്ചതിനുശേഷമാവും ഹിരോഷിമയിലെ പീസ് മെമ്മോറിയല്‍ പാര്‍ക്ക് സന്ദര്‍ശിക്കുക. ജപ്പാന്‍ പ്രസിഡന്റ് ഷിന്‍സോ ആബെയും അദ്ദേഹത്തെ അനുഗമിക്കുമെന്നാണ് റിപ്പോര്‍ട്ടുകള്‍. അണുബോംബ് വര്‍ഷത്തില്‍ ക്ഷമാപണം നടത്തില്ലെന്ന ഒബാമയുടെ പരാമര്‍ശം ഏറെ പ്രതിഷേധത്തിനിടയാക്കിയിരുന്നു.

രണ്ടാം ലോക യുദ്ധത്തിന്റെ ഭാഗമായി 1945 ആഗസ്ത് ആറിനാണ് ഹിരോഷിമയില്‍ യു.എസ് ആറ്റം ബോംബിട്ടത്.അന്ന് 140,000 ആളുകള്‍ മരിച്ചു.