മുംബൈ: ഇംഗ്ലണ്ട് അണ്ടര്‍ 19 ടീമിനെതിരായ സന്നാഹ മത്സരത്തില്‍ ഇന്ത്യ അണ്ടര്‍ 19 ടീമിനു വിജയം. മൂന്നു വിക്കറ്റിനാണ് ഇന്ത്യ വിജയിച്ചത്. ആദ്യം ബാറ്റു ചെയ്ത ഇംഗ്ലണ്ട് എട്ടു വിക്കറ്റ് നഷ്ടത്തില്‍ 266 റണ്‍സെടുത്തപ്പോള്‍ ഇന്ത്യ ഏഴു വിക്കറ്റ് നഷ്ടത്തില്‍ ലക്ഷ്യം കണ്ടു. ഇന്ത്യക്കായി അരങ്ങേറിയ രോഹന്‍ കുന്നുമ്മല്‍ 40 റണ്‍സെടുത്ത് തിളങ്ങി. 62 റണ്‍സെടുത്ത അനുകൂല്‍ റോയിയാണ് ടോപ് സ്‌കോറര്‍. നേരത്തെ അനുകൂല്‍ മൂന്നു വിക്കറ്റുകള്‍ വീഴ്ത്തി ബൗളിങിലും തിളങ്ങിയിരുന്നു.