ഇരിട്ടി: എടൂര്‍ ഡിവൈന്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ നേതൃത്വത്തില്‍ മാര്‍ സെബാസ്്റ്റിയന്‍ വള്ളോപ്പിള്ളി സ്മാരക എവര്‍ റോളിങ് സ്വര്‍ണക്കപ്പിനും എടൂര്‍ കുടിയേറ്റ സ്മാരക വെള്ളികപ്പിനും വേണ്ടിയുള്ള ഉത്തരകേരള വോളിബോള്‍ ടൂര്‍ണമെന്റ് ഇന്നുമുതല്‍ ഫെബ്രുവരി അഞ്ചുവരെ എടൂര്‍ സെന്റ് മേരീസ് ഫഌഡ് ലിറ്റ് സ്റ്റേഡിയത്തില്‍ നടക്കും.
ഇന്നു വൈകുന്നേരം സണ്ണിജോസഫ് എം.എല്‍.എ ഉദ്ഘാടനം ചെയ്യും.
എല്ലാദിവസവും രാത്രി ഏഴരയ്ക്കാണ് ഉത്തരകേരള വോളി മത്സരങ്ങള്‍ നടക്കുക. ഡിവൈന്‍ എടൂര്‍, ജോളി കാനായി, വൈറ്റ് ലിങ്ക്‌സ് വയനാട്, യങ് സ്റ്റാര്‍ മാതമംഗലം, എ.കെ.ജി ഊര്‍പ്പള്ളി തുടങ്ങിയ പ്രമുഖ ടീമുകള്‍ കളത്തിലിറങ്ങും.