പുല്ലൂര്‍: പ്രവാസി ക്ഷേമ പെന്‍ഷന്‍ തുക വര്‍ധിപ്പിക്കണമെന്നു പ്രവാസി കോണ്‍ഗ്രസ് ആവശ്യപ്പെട്ടു. മറ്റേതു പെന്‍ഷനുകളെക്കാളും നാലും അഞ്ചും തവണ അധികമായി അംശാദായം അടക്കേണ്ടി വരുന്ന പ്രവാസി പെന്‍ഷന്‍ പദ്ധതിയില്‍ അംശാദായ അടവിന് ആനുപാതികമായി പെന്‍ഷന്‍ വര്‍ധിപ്പിക്കാന്‍ സര്‍ക്കാര്‍ അടിയന്തിര നടപടികള്‍ സ്വീകരിക്കണമെന്നും പുല്ലൂര്‍ വില്ലേജ് മേഖലാ പ്രവാസി കോണ്‍ഗ്രസ് യോഗം ആവശ്യപ്പെട്ടു.
യോഗം പ്രവാസി കോണ്‍ഗ്രസ് ജില്ലാ പ്രസിഡന്റ് പത്മരാജന്‍ ഐങ്ങോത്ത് ഉദ്ഘാടനം ചെയ്തു. സി രാധാകൃഷ്ണന്‍ അധ്യക്ഷനായി. അടുത്ത മാസം വിപുലമായ പ്രവര്‍ത്തക കണ്‍വന്‍ഷനും കുടുംബ സംഗമവും നടത്താനും യോഗം തീരുമാനിച്ചു. എം.വി സുകുമാരന്‍, അച്ചുതന്‍, പി ശ്രീകല, കണ്ണന്‍, ജ്യോതി രാജന്‍, റിജേഷ്, പ്രവീണ്‍ കുമാര്‍, സുരേഷ് കുമാര്‍ സംസാരിച്ചു.