കഠിനംകുളം: പ്രായപൂര്‍ത്തിയാകാത്ത പെണ്‍കുട്ടിയെ അശ്ലീലചിത്രങ്ങളും മറ്റും കാണിച്ച് ലൈംഗികമായി പീഠിപ്പിച്ച കഴകൂട്ടം മേനംകുളം വില്ലേജില്‍ കല്‍പ്പന നഗര്‍ ചിറയരികത്ത് വീട്ടില്‍ ഷിബു എന്നു വിളിക്കുന്ന ഷിബുകുമാറിനെ(36) കഴക്കൂട്ടം പൊലിസ് അറസ്റ്റു ചെയ്തു.
ഓണം, ക്രിസ്തുമസ് അവധി ദിവസങ്ങളിലാണ് പ്രതി കുട്ടിയെ ലൈംഗികമായി പീഡിപ്പിച്ചത്. കുട്ടികള്‍ക്കെതിരേയുള്ള ലൈംഗിക അതിക്രമങ്ങള്‍ തടയല്‍ നിയമം അനുസരിച്ചാണ് പ്രതിക്കെതിരെ കേസ് രജിസ്റ്റര്‍ ചെയ്തിരുന്നത്.
കഴക്കൂട്ടം സൈബര്‍സിറ്റി സബ് ഡിവിഷന്‍ അസിസ്റ്റന്റ് കമ്മിഷണര്‍ പ്രമോദ് കുമാറിന്റെ നേതൃത്വത്തില്‍ കഴക്കൂട്ടം ടെക്‌നോപാര്‍ക്ക് സി.ഐ എസ്. അജയ്കുമാര്‍ അടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.