തൃക്കരിപ്പൂര്‍: സൂഫിവര്യനും സമസ്ത കേന്ദ്ര മുശാവറ അംഗവുമായ മാണിയൂര്‍ അഹമംദ് മുസ്‌ലിയാരെ മുസ്‌ലിം ലീഗ് നേതാവും എം.പിയുമായ ഇ.ടി മുഹമ്മദ് ബഷീര്‍ സന്ദര്‍ശിച്ചു. കഴിഞ്ഞ ദിവസം രാത്രി ഒന്‍പത് മണിയോടെ മാണിയൂര്‍ ഉസ്താദ് പ്രിന്‍സിപ്പലായ മുനവ്വിറുല്‍ ഇസ്‌ലാം അറബിക് കോളജിലെത്തിയാണ് സന്ദര്‍ശിച്ചത്.
അരമണിക്കൂറോളം എം.പി മാണിയൂര്‍ ഉസ്താദുമായി സംസാരിച്ച ശേഷമാണ് മടങ്ങിയത്. എളിമയും സദാ പുഞ്ചിരിയും ഒപ്പം കൂട്ടിയ ഉസ്താദിന്റെ ഉപദേശം കേള്‍ക്കാനും ഉസ്താദ് നല്‍കുന്ന വെള്ളത്തിനുമായി ആയിരങ്ങളാണ് ദിനം പ്രതി തൃക്കരിപ്പൂര്‍ മുനവ്വിറുല്‍ ഇസ്‌ലാം അറബിക് കോളജില്‍ എത്തുന്നത്.