ന്യൂഡല്‍ഹി: ബജറ്റ് നിരാശാജനകമെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. തൊഴില്‍ രഹിതരായ യുവാക്കള്‍ക്കും കര്‍ഷകര്‍ക്കും പ്രതീക്ഷ നല്‍കുന്നതൊന്നും ബജറ്റില്‍ ഇല്ലെന്നു പറഞ്ഞ രാഹുല്‍ അരുണ്‍ ജെയ്റ്റ്‌ലിയുടെ പ്രസംഗം വളരെ മികച്ചതായിരുന്നുവെന്ന് പരിഹസിക്കുകയും ചെയ്തു.

തിരഞ്ഞെടുപ്പിന് മുന്നോടിയായി ബജറ്റിലൂടെ അനുകൂല തരംഗം സൃഷ്ടിക്കാനായിരുന്നു കേന്ദ്ര സര്‍ക്കാരിന്റെ ശ്രമം. എന്നാല്‍ ബജറ്റ് അവതരണത്തിന് ശേഷവും ഒന്നും സംഭവിച്ചില്ല. വ്യക്തമായ കാഴ്ച്ചപ്പാടില്ലാത്ത ബജറ്റാണ് ധനമന്ത്രി അവതരിപ്പിച്ചത്.

എന്നാല്‍, രാഷ്ട്രീയ പാര്‍ട്ടികള്‍ക്ക് ലഭിക്കുന്ന സംഭാവനകള്‍ സുതാര്യമാക്കാനുള്ള എല്ലാ നടപടിയെയും പിന്തുണയ്ക്കുമെന്നും രാഹുല്‍ഗാന്ധി വ്യക്തമാക്കി.

അതേസമയം, ജെയ്റ്റ്‌ലി അവതരിപ്പിച്ചത് ഉത്തമ ബജറ്റാണെന്ന് പ്രധാനമന്ത്രി നരേന്ദ്രമോദി പ്രതികരിച്ചു.