HOME
DETAILS

കിണര്‍ കുഴിക്കുന്നതിനിടെ നൂറ്റാണ്ടുകള്‍ പഴക്കമുള്ള കൂറ്റന്‍ തടി കണ്ടെത്തി

  
backup
May 27 2016 | 22:05 PM

%e0%b4%95%e0%b4%bf%e0%b4%a3%e0%b4%b0%e0%b5%8d%e2%80%8d-%e0%b4%95%e0%b5%81%e0%b4%b4%e0%b4%bf%e0%b4%95%e0%b5%8d%e0%b4%95%e0%b5%81%e0%b4%a8%e0%b5%8d%e0%b4%a8%e0%b4%a4%e0%b4%bf%e0%b4%a8%e0%b4%bf%e0%b4%9f

കാവനൂര്‍: കിണര്‍ കുഴിക്കുന്നതിനിടെ നൂറ്റാണ്ടുകള്‍ പഴക്കമുള്ള തടി കണ്ടെത്തി. എലിയാപറമ്പില്‍ ജുമുഅത്ത് പള്ളിക്കു സമീപത്തെ വീടിനോടു ചേര്‍ന്നു കിണര്‍ കുഴിക്കുന്നതിനിടെയാണു കൂറ്റന്‍ മരത്തിന്റെ കഷണം കണ്ടെത്തിയത്. എട്ടടി വണ്ണത്തിലുള്ള രണ്ടു പടുകൂറ്റന്‍ ഭാഗമാണു കണ്ടെത്തിയത്.
 പ്രദേശത്തെ 75 വയസിലധികം പ്രായമുള്ളവര്‍ക്കൊന്നും ഇവിടെ ഇങ്ങനെ വലിയ മരം ഉള്ളതായി അറിയില്ല.  ഇക്കാരണത്താല്‍തന്നെ മരത്തിനു നൂറ്റാണ്ടുകള്‍ പഴക്കമുള്ളതായി കണക്കാക്കുന്നു. വാളുകൊണ്ട് മുറിച്ചുമാറ്റാന്‍ പറ്റാത്ത രീതിയില്‍ ഉറപ്പും കാഠിന്യവും ഉള്ളതാണു തടി.
 എന്നാല്‍ മുഴുവനായി മണ്ണ് മാറ്റിയെടുക്കാന്‍ പറ്റാത്ത വിധം വീടിന് അടിയിലേക്കാണ് മരത്തിന്റെ ബാക്കി ഭാഗങ്ങളുള്ളത്. നൂറ്റാണ്ടുകള്‍ പഴക്കമുള്ളതു കൊണ്ടു മരകഷ്ണത്തിനു കറുത്ത നിറമാണ്. തടിയുടെ നിറം നൂറ്റാണ്ടുകള്‍ പഴക്കം സൂചിപ്പിക്കുന്നുവെന്നു ജിയോളജി അധ്യാപകന്‍ മുഹമ്മദ് അഷ്‌റഫ് പറഞ്ഞു എന്നാല്‍ എത്ര വര്‍ഷം പഴക്കമുണ്ടെന്ന് തെളിയിക്കാന്‍ കൃത്യമായ പരിശോധന ആവശ്യമാണെന്ന് അദ്ദേഹം പറഞ്ഞു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."