തിരുവനന്തപുരം: ലോ അക്കാദമി ലോ കോളജിലെ പ്രശ്‌നങ്ങള്‍ പരിഹരിക്കാനായി സബ് കലക്റ്റര്‍ ഇന്നു വിളിച്ചു ചേര്‍ത്ത യോഗവും പരാജയം. പ്രിന്‍സിപ്പല്‍ രാജി വയ്ക്കണമെന്ന ആവശ്യത്തില്‍ വിദ്യാര്‍ഥികള്‍ ഉറച്ചു നിന്നതോടെയാണ് ചര്‍ച്ച പരാജയപ്പെട്ടത്. മാനേജ്‌മെന്റും തങ്ങളുടെ നിലപാടില്‍ ഉറച്ചു നില്‍ക്കുകയായിരുന്നു.

അതേ സമയം, വിദ്യാര്‍ഥി സമരം അക്രമാസക്തമാകുന്നതിനെത്തുടര്‍ന്നും കാമ്പസില്‍ സമാധാനാന്തരീക്ഷം സൃഷ്ടിക്കുന്നതും ചര്‍ച്ച ചെയ്യാനായിരുന്നു കലക്റ്റര്‍ യോഗം വിളിപ്പിച്ചത്. എസ്.എഫ്.ഐ സമരത്തില്‍ നിന്നു പിന്‍മാറിയതിനെത്തുടര്‍ന്ന് ക്ലാസ് ആരംഭിക്കാന്‍ തീരുമാനമായിരുന്നു. എന്നാല്‍ മറ്റു വിദ്യാര്‍ഥി സംഘടനകളെല്ലാം സമരത്തില്‍ തന്നെയാണ്. പ്രിന്‍സിപ്പലായ ലക്ഷ്മി നായര്‍ രാജി വയ്ക്കും വരെ സമരം തുടരുമെന്നാണ് വിദ്യാര്‍ഥി സംഘടനകളുടെ നിലപാട്.

ഇന്ന് കോണ്‍ഗ്രസ് എം.എല്‍.എ കെ മുരളീധരനും ഇതേ ആവശ്യമുന്നയിച്ച് നിരാഹാര സമരം ആരംഭിച്ചിട്ടുണ്ട്.