ബംഗളൂരു: ബംഗളൂരുവില്‍ കെ. ആര്‍ മാര്‍ക്കറ്റിലെ ഒരു ബാറിലുണ്ടായ തീപിടുത്തത്തില്‍ അഞ്ചു പേര്‍ മരിച്ചു. കെ.ആര്‍ മാര്‍ക്കറ്റിലെ കൈലാഷ് റസ്റ്ററന്റിലാണ് പുലര്‍ച്ചെ മൂന്ന് മണിക്ക് അപകടം ഉണ്ടായത്. ബാറില്‍ ഉറങ്ങിക്കിടന്ന അഞ്ചു തൊഴിലാളികളാണ് മരണപ്പെട്ടത്. ഷോര്‍ട്ട് സര്‍ക്യൂട്ടാണ് അപകടകാരണം എന്നാണ് പ്രാഥമിക നിഗമനം.

പുലര്‍ച്ചെ മൂന്നു മണിയോടെയാണ് അപകടമുണ്ടായത്. തുകൂര്‍ സ്വദേശികളായ സ്വാമി (23), പ്രസാദ് (20), മഹേഷ് (35), ഹാസന്‍ സ്വദേശി മഞ്ജുനാഥ് (45), മാണ്ഡ്യ സ്വദേശി കീര്‍ത്തി (24) എന്നിവരാണ് മരിച്ചത്. മൃതദേഹങ്ങള്‍ വിക്ടോറിയ ആശുപത്രിയില്‍ പോസ്റ്റ്‌മോര്‍ട്ടത്തിനായി എത്തിച്ചു. ഗുരുതരമായി പൊള്ളലേറ്റ ഒരാള്‍ ചികിത്സയിലാണ്.