വിശാഖപട്ടണം: സയ്യിദ് മുശ്താഖ് അലി ട്രോഫിയില്‍ കേരളത്തിന് രണ്ടാം മത്സരത്തിലും തോല്‍വി. സൗത്ത് സോണ്‍ ടി20 മത്സരത്തിലാണ് തമിഴ്‌നാടിനെതിരേ കേരളം 35 റണ്‍സിന് പരാജയപ്പെട്ടത്. ടോസ് നേടിയ കേരളം തമിഴ്‌നാടിനെ ബാറ്റിങ്ങിനയക്കുകയായിരുന്നു.
ആദ്യം ബാറ്റ് ചെയ്ത തമിഴ്‌നാടിന് വേണ്ടി ദിനേശ് കാര്‍ത്തിക്, ജഗദീഷ്‌നര്‍, ബാബ അപരാജിത്, വാഷിങടണ്‍ സുന്ദര്‍ എന്നിവരുടെ മികച്ച ബാറ്റിങ്ങിലാണ് തമിഴ്‌നാടിന് 184 റണ്‍സ് നേടാനായത്. നാലു വിക്കറ്റ് മാത്രമാണ് തമിഴ്‌നാടിന് നഷ്ടമായത്. മറുപടി ബാറ്റിങ്ങിനിറങ്ങിയ കേരളം മൂന്നാമത്തെ ഓവറില്‍ തന്നെ 11 റണ്‍സിന് മൂന്ന് വിക്കറ്റ് എന്ന നിലയിലേക്കെത്തിയതോടെ ടീം വമ്പന്‍ പരാജയത്തിന്റെ വക്കിലെത്തി.
തുടര്‍ന്ന് ബാറ്റിങ്ങിനെത്തിയ സച്ചിന്‍ ബേബി (51), സല്‍മാന്‍ നിസാര്‍ (38), അരുണ്‍ കാര്‍ത്തിക് എന്നിവരുയെ മികച്ച ബാറ്റിങ്ങ് കൊണ്ടാണ്. വലിയ തോല്‍വിയില്‍ നിന്നും കേരളത്തിന് കരകയറാനായത്.
ആദ്യം തന്നെ തമിഴ്‌നാടിന്റെ വിഗ്നേഷിന്റെ ബൗളിങ്ങിന് മുന്നില്‍ കേരള താരങ്ങള്‍ പതറുകയായിരുന്നു. സച്ചിന്‍ ബേബി അടക്കം അഞ്ചു താരങ്ങളെ പുറത്താക്കിയ തമിഴ്‌നാടിന്റെ വിഗ്നേഷിന്റെ സൂപ്പര്‍ ബൗളിങ്ങിന് മുന്നില്‍ കേരള താരങ്ങള്‍ക്ക് പിടിച്ചുനില്‍ക്കാനിയില്ല.