കണ്ണൂര്‍: ജില്ലയിലെ വിദ്യാലയങ്ങളില്‍ വിദ്യാര്‍ഥി നേതാക്കള്‍ക്കെതിരേ സി.പി.എം നടത്തുന്ന അക്രമങ്ങള്‍ അവസാനിപ്പിക്കണമെന്ന് എം.എസ.്എഫ്. ധര്‍മ്മടം മണ്ഡലം എം.എസ്.എഫ് ജനറല്‍ സെക്രട്ടറി സഹൂദ് മുഴപ്പിലങ്ങാടിനെതിരേയുണ്ടായ അക്രമം പ്രതിഷേധാര്‍ഹമാണ്. അക്രമത്തില്‍ പ്രതിഷേധിച്ച് ഇന്ന് നിയോജക മണ്ഡലം കേന്ദ്രങ്ങളില്‍ പ്രതിഷേധ പ്രകടനം നടത്താന്‍ ജില്ലാ പ്രസിഡന്റ് സി.കെ നജാഫ്, ജനറല്‍ സെക്രട്ടറി ഷജീര്‍ ഇഖ്ബാല്‍ എന്നിവര്‍ ആഹ്വാനം ചെയ്തു.