തൃക്കരിപ്പൂര്‍: നീലേശ്വരം ബ്ലോക്ക് പഞ്ചായത്ത്, തൃക്കരിപ്പൂര്‍ താലൂക്ക് ആശുപത്രി എന്നിവയുടെ നേതൃത്വത്തില്‍ സെക്കന്‍ഡറി തല പാലിയേറ്റിവ് വിദഗ്ധ പരിചരണ വിഭാഗത്തിന്റെ സ്‌നേഹ സംഗമം സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് വി.പി ജാനകി ഉദ്ഘാടനം ചെയ്തു. ബ്ലോക്ക് പഞ്ചായത്ത് അംഗം സി. രവി അധ്യക്ഷനായി. വിവിധ പഞ്ചായത്ത് പ്രസിഡന്റുമാരായ മാധവന്‍ മണിയറ, പി.സി ഫൗസിയ, എം.ടി അബ്ദുല്‍ ജബ്ബാ, പടന്ന പഞ്ചായത്ത് വൈസ്പ്രസിഡന്റ് ടി.കെ സുബൈദ, വി.വി സുമതി, ചെറുവത്തൂര്‍ കമ്മ്യൂണിറ്റി ഹെല്‍ത്ത് സെന്റര്‍ മെഡിക്കല്‍ ഓഫീസര്‍ ഡോ. റനീഷ്, താലൂക്ക് ആശുപത്രി കണ്‍സള്‍ട്ടന്റ് ഡോ. സി.കെ.പി കുഞ്ഞബ്ദുല്ല, താലൂക്ക് ആശുപത്രി മെഡിക്കല്‍ ഓഫിസര്‍ ഡോ. മനോജ് സംസാരിച്ചു.