അസൗകര്യങ്ങള്‍ക്കിടയിലും പ്രവാസികളുമായി ബന്ധപ്പെട്ട വിഷയങ്ങളില്‍ കമ്മിഷന്‍ ഇടപെടുന്നുണ്ടെന്ന് ചെയര്‍പേഴ്‌സണ്‍ പി. ഭവദാസന്‍ പറഞ്ഞു. കഴിഞ്ഞ വ്യാഴാഴ്ച തിരുവനന്തപുരത്ത് നടന്ന അദാലത്തില്‍ 22 പരാതികള്‍ ലഭിച്ചു. 18 പരാതികള്‍ നടപടികള്‍ക്കായി വിവിധ ഏജന്‍സികള്‍ക്ക് കൈമാറി. ഈ മാസം 18ന് മലപ്പുറം ജില്ലയിലെ തിരൂരിലാണ് അടുത്ത അദാലത്ത്.
കണ്ണൂര്‍, കാസര്‍കോട് ജില്ലകള്‍ക്കായി 19ന് കണ്ണൂരിലും കോഴിക്കോട്, വയനാട് ജില്ലകള്‍ക്കായി 20ന് കോഴിക്കോട്ടും അദാലത്തുകള്‍ സംഘടിപ്പിക്കും. മുന്‍പ് ചാവക്കാട് നടന്ന അദാലത്തില്‍ 70 പരാതികളാണ് ലഭിച്ചത്.
35 എണ്ണത്തിന് പരിഹാരം കണ്ടു. ബഹ്‌റൈനില്‍നിന്ന് കമ്മിഷന്റെ മുന്നിലെത്തിയ 65 പരാതികള്‍ 35 എണ്ണത്തിനും പരിഹാരം കാണാനായി. നേരിട്ടോ ഇമെയില്‍ വഴിയോ ടെലിഫോണിലൂടെയോ കമ്മിഷന് പരാതി നല്‍കാന്‍ അവസരമുണ്ട്.